જોક્સ-જંકશન

વુમન્સ ડે

'હેપ્પી વુમન્સ ડે'...
આ દિવસ માત્ર 'હેપ્પી' વુમન માટે નહિ, બલ્કે, 'એન્ગ્રી' વુમન માટે વધારે હોય છે!

મેસેજ આંખ મારે...
મેસેજમાં લોકો જેટલી વાર આંખ મારે છે...
!)..!)..!) ...
એટલી વાર જો રીયલ-લાઈફમાં મારતા હોત તો આ દુનિયા પાગલખાના જેવી લાગતી હોત!

સ્માર્ટ સવાલ
સવાલ ઃ જેની સાથે લગ્ન ન થાય એનું આખરે શું થાય છે?
જવાબ ઃ પાસવર્ડ!

એર-સર્વિસ
એર-ઈન્ડિયાની ઓફીસમાં પોસ્ટર હતું ઃ 'અહીં હુંફાળી અને મમતામયી મા જેવી સેવા મળશે.'
ખુલાસો ઃ 'હૂંફાળી' એટલા માટે કે વિમાનનાં એસી બગડેલાં છે. અને 'મમતામયી મા' જેવી એટલા માટે કે એર-હોસ્ટેસોની ઉંમર ૫૦થી ઉપર છે!

પરીક્ષાની તૈયારી
આંબેડકરજી દીવાના પ્રકાશે ભણતા...
અબ્દુલ કલામ મીણબત્તીના અજવાળે વાંચતા...
અબ્રાહમ લિંકન વીજળીના થાંભલાની લાઈટમાં રિવિઝન કરતા...
પણ હું? માત્ર અગરબત્તી સળગાવું છું! કેમ?
...ભગવાન ભરોસે છું, યાર!

વાર્તાનો બોધ
સોનિયા ગાંધીએ ભાષણ કરતાં કહ્યું ''એક પિતાએ એના ૩ દિકરાઓને ૧૦૦-૧૦૦ રૃપિયા આપીને કહ્યું કે જાવ, આ પૈસામાંથી આખો ઓરડો ભરાઈ જાય એવી વસ્તુ લઈ આવો. પહેલો દિકરો રૃ લાવ્યો. પણ એનાથી રૃમ ભરાયો નહિ. બીજો દિકરો દોરી લાવ્યો પણ એનાથી તો અડધો જ રૃમ ભરાયો. ત્રીજો દિકરો ૧ રૃપિયાની મીણબત્તી લઈને આવ્યો. જેના પ્રકાશથી આખો રૃમ ભરાઈ ગયો!''
વાર્તા સાંભળીને તાળીઓનો ગડગડાટ કરતા કોંગ્રેસીઓ બોલી ઊઠયા ''મેડમ, એ દિકરો રાહુલબાબા જેવો હશે! રાહુલબાબા જ્યારથી મહામંત્રી બન્યા છે ત્યારથી કોંગ્રેસ પાર્ટીમાં પ્રકાશ પ્રકાશ ફેલાઈ રહ્યો છે...''
ત્યાં તો કેજરીવાલ આવીને બોલ્યા ''એક મિનીટ! બાકીના ૯૯ રૃપિયા ક્યાં ગયા?''

નવી સુપરહિટ
'લાઈફ ઓફ પાઈ'ની સફળતાથી પ્રેરાઈને સની લિઓન હવે નવી ફિલ્મ બનાવવાની છે ઃ ''લાઈફ ઓફ ચાર-પાઈ!''

બર્થ-ડે ગિફ્ટ
એક નેતાની પત્નીએ નેતાજીને કહ્યું ''આજે તમારો જન્મદિવસ છે ને? તો ચાલો, હું તમને એક સરપ્રાઈઝ પાર્ટી આપવાની છું!''
પત્નીએ નેતાને કારમાં બેસાડીને ટેક્સી ડ્રાઈવરને કહ્યું ''ફાઈવ સ્ટાર નાઈટ-ક્લબ પર લઈ જાવ!''
નાઈટ-ક્લબમાં દાખલ થતાં જ ક્લબના દરવાજે ચોકીદારે નેતાજીને સલામ મારી ''કેમ છો સાહેબ, મઝામાં?'' પત્નીએ પૂછ્યું ''આ તમને શી રીતે ઓળખે છે?'' નેતાજી કહે ''અમે ગામડામાં જોડે ભણતા હતા.''
અંદર દારૃના બારનો બારટેન્ડર નેતાજીને જોતાં જ બોલ્યો ''બોલો સાહેબ, રોજનું ડ્રીંક ને?'' પત્ની ભડકી. નેતા કહે ''એ અમારી પાર્ટીનો મેમ્બર છે.''
ત્યાં તો સેક્સી ડાન્સર આવીને નેતાજીના ખોળામાં બેસીને કહેવા લાગી ''સર જી, આજ ભી આપ કી ગોદ મેં ડાન્સ હોગા?''
પત્નીની કમાન છટકી. નેતાજીનો હાથ ખેંચીને બહાર ખેંચી ગઈ. નાઈટ ક્લબની બહાર ઊભેલી ટેક્સીમાં બેસતાંની સાથે મિરર એજડસ્ટ કરીને ટેક્સી ડ્રાઈવરે નેતાજી જોડે આંખ મિલાવતાં કહ્યું ''સા'બ આજ ક્યું ઈતની ફાલતુ આઈટમ લે આયે! ...કહીયે, કૌન સા હોટલ?''
પત્ની બેહોશ થઈ ગઈ. નેતાજી બોલ્યા ''બસ, આમ જ રહેજે. આ મારી બેસ્ટ ગિફ્ટ છે!''

વાહન-સ્લોગન
ટ્રકો, ઓટો રીક્ષાઓ અને ટેમ્પો પાછળ જ 'માં કી દુઆ' લખેલું હોય છે. બાકી...
બીએમડબલ્યુ, મર્સિડીઝ, ઓડી અને સ્કૉડા પાછળ તો 'બાપ કી દુઆ' હોય છે!

ગુડ ન્યુઝ
કરોડપતિનો દીકરો : (ફોન પર) પપ્પા, પપ્પા, તમે બહુ બિઝી છો? મારે તમને એક ગુડ ન્યુઝ અને એક બેડ ન્યુઝ આપવાના છે.
કરોડપતિ : બેટા, ટાઈમ નથી. ફટાફટ ગુડ ન્યુઝ બોલી જા.
દિકરો : ઓકે. તમે ગિફ્ટમાં આપેલી બીએમડબલ્યુની એર-બૅગ એકદમ પરફેક્ટ રીતે ખુલી જાય છે!
* * *
SMS BUMPER
Vijay Malya presents new films from KINGFISHER.
Soda Akbar...
Brandy Rathore...
Whisky Donor...
Attacks of VAT-69...
Ek Tha Kingfisher...